دعوة لمؤتمر واجتماع عام لحملة حاكموهم

لا مصالحة قبل المحاكمة

منذ قيام الموجة الأولي من الثورة المصرية وظلت الثورة تحكم بقوانين وعدالة مبارك ونظامه، وكانت نتيجتها أن غالبية مجرمي النظام ممن قتلوا بنات وأبناء الوطن خارج أسوار السجن، ليستكملوا جرائمهم ضد شعبنا، ولم يعطي لنا المجلس العسكري فرصة لنصيغ قوانين الثورة، ونصيغ عدالتنا الثورية التى تحمي الثورة وتؤمنها وفى نفس الوقت تضمن محاكمة عادلة ومنصفة لمن قتل المصريين أو نهب أموالهم.

ومنذ انتخاب رئيس الجمهورية وتتداول وسائل الإعلام وبعض النخب والقوي السياسية مصطلح المصالحة الوطنية باعتباره السياسة المطلوبة فى هذا الوقت، فى ظل عدم تطهير أجهزة العدالة وهي الشرطة والنيابة والقضاء، وكذلك فى ظل عدم محاسبة أو ملاحقة مجرمي نظام مبارك على مدار ثلاثون عاما أو يزيد، وهو قد يكون تمهيداً للخروج الأمن لمجرمي النظام وعدم محاسبة من قتل ونهب المصريين، بل وإعادة إنتاج نظام مبارك مرة أخري بأسم المصالحة الوطنية.

لذلك تدعوكم حملة حاكموهم لمؤتمرها تحت عنوان "المحاكمة قبل المصالحة" يوم الخميس القادم الموافق 12 يوليو 2012 الساعة السادسة مساءا بقاعة الكلمة بساقية الصاوي بحي الزمالك بالقاهرة، وسيعقب المؤتمر اجتماعاً للنشطاء الراغبين فى الانضمام لحملة حاكموهم، وسوف يتناول المؤتمر الأتي

·        حفل توقيع على عريضة حملة حاكموهم لمحاكمة النظام

·        تعريف بحملة حاكموهم والعدالة الثورية

·        الإعلان عن القائمة السوداء الأولي لحملة حاكموهم

·        اجتماع موسع للحملة يضم النشطاء الراغبين فى المساهمة بحاكموهم

وسيتضمن المؤتمر عرض لأفلام عن الحملة وطريقة عملها.

تعرف علينا  http://7akemohm.blogspot.com/p/blog-page.html

لمزيد من المعلومات يرجي الاتصال  01023477116

دعوة للتوقيع على عريضة شعبية لمحاكمة النظام

تناشد حملة حاكموهم كل من المصريات والمصريين التوقيع على العريضة الشعبية لمحاكمة النظام البائد وذلك من خلال أي من الطرق التالية:

التوقيع الإلكتروني: وذلك من خلال الرابط التالي https://docs.google.com/spreadsheet/viewform?formkey=dE5RVlJKY2hRek5vUzNqZGh4SkstSFE6MQ 

التوقيع اليدوي: وذلك من خلال طباعة نص العريضة والتوقيع عليها والتواصل مع حملة حاكموهم وإرسال التوقيعات لها.

وفى كل الأحوال يمكنكم نشر العريضة على أوسع نطاق للوصول لأكبر عدد ممكن من المصريين والمصريات المؤمنين بأن المصالحة الحقيقية لن تأتي إلا بمحاكمة ومحاسبة حقيقية.

لتسليم التوقيعات يرجي الاتصال بالخط الساخن لحاكموهم  01023477116

نص العريضة:

أقر أنا الموقع أدناه بأن الثورة المصرية لن تنتصر إلا بمحاسبة وملاحقة من قتلوا المصريين ونهبوا أموالهم طيلة ثلاثون عاماً وحتى مباشرة رئيس الجمهورية المنتخب مهام منصبه، فلا ثورة بدون عدالة تحميها، ولن تتم محاسبة نظام مبارك بقوانين ونظام عدالة وضع لحمايته ونظامه، ولذلك فنحن نحتاج أن تكون للثورة قوانينها وقراراتها التى تحميها وتؤمنها وفى نفس الوقت تضمن محاكمات غير استثنائية تطبق فيها معايير المحاكمة العادلة والمنصفة.

لذلك فأنني أطالب رئيس جمهورية مصر العربية المنتخب بتنفيذ ما يتوافق مع صلاحيته وفقا للقانون ويتوافق مع مشروع قانون العدالة الثورية[1] والذي تقدمت به حملة حاكموهم[2] لمجلس الشعب،لحين استرداد سلطة التشريع من المجلس العسكري ، وهو ما يلي:

·         تشكيل هيئة المحاسبة والعدالة للتحقيق فى جرائم النظام البائد بحق المصريين منذ عام 1980 وحتى يونيه2012، وإعداد ملفات لمجرمي النظام البائد، وتلقي الشكاوي والبلاغات من المصريين.

·         تكليف وزير العدل بانتداب قضاة تحقيق لتسلم ملفات مجرمي النظام البائد من هيئة المحاسبة والعدالة وإحالته من يثبت اتهامه للمحاكمة. 

·         تشكيل هيئة للتعويض ومساعدة ضحايا النظام البائد.

·         وقف ضباط الشرطة والجيش المتهمين فى بلاغات وقضايا تتعلق بانتهاك حقوق المصريين عن العمل.

·         التعهد بعدم استخدام صلاحياته بإصدار قوانين والاعتراض علي أي قوانين تضمن خروج أمن للنظام البائد والمجلس العسكري وأفراده.

مسلسل	الأسم	المهنة	رقم البطاقة	التوقيع
1
2
3
4

لتسليم التوقيعات يمكنكم التواصل  مع حملة حاكموهم 01023477116

---

[1] للاطلاع على مشروع القانون http://7akemohm.blogspot.com/2012/06/blog-post.html

[2]  للتعرف على حملة حاكموهم http://7akemohm.blogspot.com/2012/06/blog-post_27.html

حاكموهم علشان الثورة تنتصر.. العدالة الثورية مش عدالة مبارك

حاكموهم علشان الثورة تنتصر                                                                   العدالة الثورية مش عدالة مبارك

مين حملة حاكموهم؟

هي حملة شعبية مستقلة أسسها مجموعة من اللى شاركوا فىالموجة الأولي من الثورة، وأتأسست فى فبراير 2012، وفكرتها قايمة على أن مفيش ثورة من غير عدالة تحميها علشان كده قولنا وهنقول عاوزين العدالة الثورية.

ايه مشكلتنا مع المحاكمات اللى بتحصل؟

مشكلتنا أن المحاكمات لبعض رموز نظام مبارك مسرحية !، لان النيابة العامة جزء من نظام مبارك ومبتتحركش إلا لما تحصل مظاهرات وإذا اتحركت بتقدم المتهمين من غير دليل، فتكون النتيجة براءة !!

كمان المحاكمات بتحصل عن فترة قصيرة مش على جرائم مبارك طوال 30 سنة وأكتر، وبيتعاملوا معاها على أساس أن فيه أفراد كانوا مخطئين مش نظام أجرم وقتل ونهب المصريين.

هنحاكم نظام مبارك أزاي ؟

علشان نحاكم نظام مبارك لازم نطبق عدالتنا الثورية مش عدالة مبارك، عشان كده عملنا مشروع قانون اسمه العدالة الثورية، لان مفيش ثورة من غير عدالة تحميها.

يعني أيه عدالة ثورية؟

هي العدالة اللى قايمة على حماية ثورتنا ومؤمنة بيها، وفى نفس الوقت توفر محاكمة عادلة ومنصفة لمجرمين نظام مبارك على مدار مش أقل من 30 سنة فاتت.

هل العدالة الثورية يعنى عاوزين محاكمات استثنائية أو محاكمات ثورية؟

أكيد لا !! لان ثورتنا كانت عشان الحرية والكرامة الإنسانية .المحاكمات اللى احنا عاوزينها محاكمة عادلة ومنصفة بس كمان بتحمي الثورة ومؤمنة بيها، علشان كده اسمها عدالة ثورية.

حاكمهوم هتعمل ايه؟

حاكمهوم هتوثق جرائم النظام اللى كلنا عارفين أنه عذبنا وقتلنا ونهبنا من أكتر من 30 سنة وكلنا عارفين أن المجرمين كانوا محميين بالقانون ، ولو عاوزين نحاكم المجرمين يبقي لازم نعرف جرائمهم.

ممكن نبقي فاكرين جرائم زي حريق قطار الصعيد وكنيسة القديسين والعبارة ومجزرة ماسبيرو أو بورسعيد، بس أكيد جرايمهم أكتر من كده بكتير، فى كل حي ومنطقة فيه ظابط كان بيعذب الناس وأكيد كان فيه مسئول بيسرقنا، واحنا عاوزين نعرفهم ونعرف عملوا ايه، عاوزين نعمل قرار اتهام شعبي الناس اللى تكتبه. وبعد ما نعرف جرائمهم نحاكمهم فى محكمة جنايات الثورة.

طيب ايه نظام العدالة الثورية دا ؟

احنا عاوزين نعمل 3 هيئات واحدة عشان التحقيق اسمها هيئة التحقيق والمحاسبة والتانية عشان التعويض ومساعدة ضحايا جرائم نظام مبارك اسمها هيئة التعويض وأخر هيئة اللى هيا المحكمة اللى هنحاكم فيها أفراد نظام مبارك واسمها محكمة جنايات الثورة.

كل الهيئات اللى فاتت محدش من اللى كانوا فى مناصب عليا هيكون عضوا فيها، يعني مش هيكون فيها النائب العام ولا قضاة كانوا بيكتبوا أزهي عصور الديمقراطية، كمان الهيئات دي هتستند على اتفاقيات حقوق الإنسان، وهيبقي عندها سلطة توقف المجرمين عن العمل.

طيب هل دا معناه أننا عاوزين نحاكم كل اللى اشتغل فى الحكومة؟

طبعا الكلام دا مش مظبوط، احنا عاوزين نحاكم المسئولين اللى كانوا بيحكمونا فى مؤسسات الدولة سواء فى الداخلية أو الحكومة أو فى مجلس الشعب أو القضاء، والناس اللى نهبتنا وقتلنا مش كتير فى مصر.

طيب هنعرف ازاي نحدد مجرمين النظام؟

هنعرف نحددهم لاننا هنعمل هيئة علشان تاخد البلاغات والشكاوي من الناس على الجرايم اللى حصلت من سنة 1980 وحتى تولي رئيس الجمهورية الحكم، وتحقق فيها وتعمل ملفات للمجرمين والهيئة دي فيها قضاة وحقوقيين متخصصين، وبعدين هتسلم الملفات دي لقضاة تانيين ييتهموا المجرمين دول ويحولوهم على محكمة جنايات الثورة علشان يتحاكموا.

طيب احنا هنستفيد أيه لما نحاكمهم ؟ احنا مش عاوزين البلد تولع !!

بالعكس لو حاكمنا المجرمين البلد هتستقر ومش هيحصل انفلات امنى ولا كانت هتحصل مجزرة بورسعيد ولا ماسبيرو ولا محمد محمود وغيرها، كمان لو حاكمناهم مفيش حد تاني هيفكر أنه يمد أيده علي فلوسنا ولا علي مصري أو مصرية فى الفترة اللى جاية، وعشان السلطة الجديدة تعرف أنها هتتحاكم لو ظلمتنا.

كمان هنرجع فلوسنا اللى نهبوها فى 30 سنة وكمان المصريين هيحسوا بأن بلدهم بقت بتاعتهم وأن الثورة جابتلهم حقهم، علشان كده مفيش مصالحة قبل المحاكمة.

طيب ايه ممكن أعمله مع حاكموهم؟

تقدر تنشر فكرتنا وتكلم الناس عنها، كمان تقدر توقع على العريضة الشعبية لمحاكمة النظام وتطبيق العدالة الثورية، كمان ممكن تدور على المجرمين اللى فى الشارع بتاعك أو المصنع بتاعك أو الحي أو الشركة، وتوثق جرائهم، وتعملوا مجموعة لحاكمهوم فى المكان اللى تختاره وتقولنا علشان نساعدك باستمارات التوثيق والمحامين وكل الحاجات اللى ممكن تحتاجها.